Aðalfundur UAK 2020

In by Björgheiður Margrét Helgadóttir

Viðburður fer fram: 27/05/2020
Klukkan: 8:00 e.h. - 11:00 e.h.
Hvar: Fiskmarkaðurinn, neðri hæð, Aðalstræti 12

Aðalfundur UAK 2020 verður haldinn miðvikudaginn 27. maí. Húsið opnar kl. 19:30 og hefst fundurinn kl. 20:00. Við fáum til okkar þær Eddu Björk, viðskiptastjóra á hugverkasviði Samtaka iðnaðarins, og Karen Björgu, uppistandara. Á aðalfundinum munum við skv. 4. mgr. 5. gr. laga UAK fara yfir skýrslu stjórnar, reikninga, lagabreytingar og önnur mál ásamt því að kjósa þrjár nýjar stjórnarkonur í stjórn félagsins. Boðið verður upp á drykki.

Edda Björk Ragnarsdóttir er viðskiptastjóri á hugverkasviði Samtaka iðnaðarins.
Edda er lögfræðingur að mennt frá lagadeild Háskóla Íslands. Áður starfaði hún m.a. sem sérfræðingur hjá fastanefnd Íslands í Genf, á sviði hugverkaréttar hjá Sameinuðu þjóðunum í Genf, við rannsóknir hjá lagadeild HÍ og hjá Íslandsbanka.
Karen Björg Þorsteinsdóttir hefur gert garðinn frægan með fyndni sinni, meðal annars með uppistandshópnum sem hún setti saman: Bara góðar. Karen er með BS gráðu í Sálfræði frá Háskóla Íslands og lærði handritaskrif í London. Hún ætlar að létta lund okkar eftir erfiða tíma og segja okkur nokkra vel valda brandara.

Allar félagskonur geta lagt fram tillögur til lagabreytinga en lögum félagsins verður aðeins breytt á aðalfundi félagsins skv. 2. mgr. 5. gr. laga UAK. Tillögum til lagabreytinga skal skilað eigi síðar en kl. 23:59 mánudaginn 25. maí n.k. á netfangið uak@uak.is.

Þrjár stjórnarkonur munu ljúka stjórnarsetu sinni á aðalfundinum og óskum við því eftir framboðum í stjórn UAK 2020-2022. Ekki er um að ræða framboð í sérstök embætti, en ný stjórn kýs í embætti á fyrsta stjórnarfundi. Framboð skulu tilkynnt á uak@uak.is eigi síðar en kl. 23:59 sunnudaginn 24. maí n.k. Í póstinum skal koma fram:

  • Fullt nafn
  • Kennitala
  • Titill (starf/nám)
  • Nokkrar línur um viðkomandi og ástæða fyrir framboði, að hámarki 150 orð
  • Mynd af frambjóðanda

Við bendum á að einungis skráðar félagskonur sem hafa greitt félagsgjöld geta skráð sig á lokaviðburðinn og hafa kosningarétt á aðalfundi.

Það verður frábært að koma saman og njóta sumarkvöldsins saman. Við í stjórn UAK fylgjumst vandlega með fyrirmælum stjórnvalda og verður framkvæmd aðalfundarins í takt við þær reglur sem eiga við þann 27. maí.

Hlökkum til að sjá ykkur!

Skráning

Skráning er lokuð.