Aðalfundur UAK 2022

In by Andrea Gunnarsdóttir

Viðburður fer fram: 31/05/2022
Klukkan: 7:30 e.h. - 9:30 e.h.
Hvar: Tunglið, Lækjargata 2


Nú fer starfsári Ungra athafnakvenna að ljúka og því boðar stjórn til aðalfundar 31. maí nk. Fundurinn fer fram í Tunglinu, Lækjargötu 2, og hefst kl 19:30. Rakel Eva Sævarsdóttir, forstöðukona sjálfbærnimála hjá PLAY, mun flytja erindi en hún ber ábyrgð á innleiðingu og framgangi verkefna er tengjast sjálfbærni vegferð flugfélagsins. Áður starfaði hún sem sjálfbærnisérfræðingur hjá Marel og sem ráðgjafi hjá Deloitte. Rakel situr í stjórn Alor og var ein af stofnendum Fortuna Invest en steig til hliðar sumarið 2021.

Dagskrá aðalfundar er eftirfarandi:

  1. Kosning fundarstjóra og ritara
  2. Skýrsla stjórnar um starfsemi og rekstur á liðnu starfsári
  3. Ársreikningur kynntur fyrir liðið starfsár og borinn upp til samþykktar
  4. Lagabreytingar
  5. Kosning stjórnar
  6. Kosning formanns stjórnar
  7. Ákvörðun félagsgjalda
  8. Önnur mál

Fjórar stjórnarkonur munu ljúka stjórnarsetu sinni á aðalfundinum og óskum við því eftir framboðum í stjórn UAK 2022-2024. Einnig verða tveir varamenn kjörnir til eins árs. Allar þær félagskonur, 18 ára og eldri, sem skráðar hafa verið í félagið og greitt félagsgjöld a.m.k. 2 vikum fyrir aðalfund hafa rétt til að bjóða sig fram til stjórnar og hafa atkvæðisrétt. 

Í framboðum til stjórnar skal því sérstaklega kveða á um ef frambjóðandi býður sig einnig fram sem formaður félagsins. Formaður stjórnar þarf að hafa hlotið kosningu í stjórn félagsins til að verða kjörgeng í kjör formanns. Framboð þurfa að berast eigi síðar en kl. 23:59 sunnudaginn 29. maí n.k. á umsokn@uak.is. Kosið verður í önnur embætti innan stjórnar á fyrsta stjórnarfundi nýs starfsárs.

Í póstinum skal koma fram:

  • Fullt nafn
  • Kennitala
  • Titill (starf/nám)
  • Framboðstexti sem verður birtur á heimasíðu UAK að hámarki 150 orð
  • Mynd af frambjóðanda
  • Tekið skal fram ef frambjóðandi býður sig fram sem formann félagsins

Allar félagskonur geta lagt fram tillögur til lagabreytinga og skal skilað eigi síðar en kl. 23:59 sunnudaginn 29. maí n.k. á netfangið uak@uak.is.

Það verður frábært að koma saman og fagna starfsárinu sem er að líða. Hlökkum til að sjá ykkur!

Skráning

Þú verður að skrá þig inn eða nýskrá til að skrá þig.