Viðburður fer fram: 27/05/2021
Klukkan: 7:30 e.h. - 11:00 e.h.
Hvar: Gróska, Vatnsmýri
Nú fer starfsár UAK 2020-2021 að ljúka og sumarið handan við hornið. Aðalfundur UAK 2021 verður haldinn fimmtudaginn 27. maí n.k. í Grósku. Húsið mun opna kl. 19:00 og hefst fundurinn kl. 19:30. Hólmfríður Kristín Árnadóttir, sérfræðingur í grænum fjármálum, sjálfbærni og stefnumótun hjá EY, mun flytja stutt erindi. Vigdís Hafliðadóttir, uppistandari, mun einnig koma fram og skemmta gestum.
Dagskrá aðalfundar er eftirfarandi:
- Skýrsla stjórnar um starfsemi og rekstur á liðnu starfsári
- Ársreikningur fyrir liðið starfsár kynntur og borinn upp til samþykktar
- Lagabreytingar
- Kosning stjórnar
- Kosning formanns stjórnar
- Ákvörðun félagsgjalda
- Önnur mál
Allar félagskonur geta lagt fram tillögur til lagabreytinga og skal skilað eigi síðar en kl. 23:59 þriðjudaginn 25. maí n.k. á netfangið uak@uak.is. Lagabreytinganefnd UAK hefur unnið að breytingum á lögum sem má finna hér. Núverandi lög félagsins má finna hér.
Þrjár stjórnarkonur munu ljúka stjórnarsetu sinni á aðalfundinum og óskum við því eftir framboðum í stjórn UAK 2021-2023. Allar þær félagskonur, 18 ára og eldri, sem skráðar hafa verið í félagið og greitt félagsgjöld a.m.k. 2 vikum fyrir aðalfund hafa rétt til að bjóða sig fram til stjórnar og hafa atkvæðisrétt. Í framboðum til stjórnar skal því sérstaklega kveða á um ef frambjóðandi býður sig einnig fram í formann félagsins. Formaður stjórnar þarf að hafa hlotið kosningu í stjórn félagsins til að verða kjörgeng í kjör formanns. Framboð þurfa að berast eigi síðar en kl. 23:59 mánudaginn 24. maí n.k. á umsokn@uak.is. Kosið verður í önnur embætti innan stjórnar á fyrsta stjórnarfundi nýs starfsárs.
Í póstinum skal koma fram:
- Fullt nafn
- Kennitala
- Titill (starf/nám)
- Framboðstexti sem verður birtur á heimasíðu og samfélagsmiðlum UAK að hámarki 150 orð
- Mynd af frambjóðanda
- Tekið skal fram ef frambjóðandi býður sig fram sem formann félagsins
Á aðalfundi verður borin upp sú lagabreytingatillaga að við stjórn félagsins bætist tveir varamenn. Verði sú tillaga samþykkt munu lögin taka strax í gildi og þær félagskonur sem buðu sig fram og voru næstar á lista inn í stjórn gegna hlutverki varamanna. Varamenn eru kjörnir til eins árs í senn. Frambjóðendur munu kynna sig á fundinum og viðstaddar félagskonur kjósa. Skráning á aðalfundinn er hafin hér á heimasíðu félagsins.
Það verður frábært að koma saman og fagna liðnu starfsári. Við í stjórn UAK fylgjumst vandlega með fyrirmælum stjórnvalda og verður framkvæmd aðalfundarins í takt við þær sóttvarnareglur sem eiga við þann 27. maí.
Hlökkum til að sjá ykkur!
Skráning
Skráning er lokuð.