Viðburður fer fram: 11/02/2025
Klukkan: 6:00 e.h. - 9:00 e.h.
Hvar: Vinnustofa Kjarval, Austurstræti 10a
Þann 11. febrúar stendur UAK fyrir viðburðinum Innri taktur og trúnó. Viðburðurinn fer fram í glænýjum veislusal Vinnustofu Kjarval, Fantasía við Austurstræti 10a.
Húsið opnar kl. 18:00 og hefst viðburðurinn stundvíslega kl. 18:30.
Markmiðið með viðburðinum er að eiga saman notalega kvöldstund þar sem félagskonum gefst tækifæri til þess að rækta líkama og sál.
Dagskrá viðburðarins hefst á fræðslu frá Geðhjálp um mikilvægi G-vítamíns. Una Kolbeins sem hefur mikla ástríðu fyrir djúpri vellíðan mun svo taka við og leiða okkur í gegnum slökunar æfingu þar sem félagskonur geta kúplað sig út.
Í kjölfarið býðst félagskonum tækifæri á tengslamyndun og trúnó sem verður leidd af stjórnarmeðlimum UAK.
Léttar veitingar, drykkir og gjafapokar verða í boði á viðburðinum.
ATH! Mikilvægt er að mæta með dýnu/jógahandklæði og mælum við með því að mæta í þæginlegum og nokkuð hlýjum fötum til þess að geta haft það notalegt í slökuninni.
Hlökkum til að sjá ykkur!
—
Una Kolbeinsdóttir
Una hefur mikla ástríðu fyrir djúpri vellíðan og að skapa rými þar sem fólk getur kúplað sig út og slakað á til að hlaða batteríin í hröðu samfélagi.
Hún er með sálfræðigráðu og stundar meistaranám við Háskólann á Bifröst
Una er jógakennari, markþjálfi og starfar sem skrifstofustjóri ásamt því að halda endurnærandi jóga námskeið í Hilton Nordica.
Hún hefur tekið ýmis auka réttindi í kennslu en er lærð í Yin Yoga, Yoga Nidra, Hatha Yoga, Vinyasa Yoga, Power Yoga, Roll Model Method og Bandvefslosun.
Skráning
Skráning er lokuð.