Leiðtogi í eigin lífi – UAK x Akademias

UAK og Akademias taka höndum saman og bjóða félagskonum UAK upp á námskeiðið Leiðtogi í eigin lífi.

UAK vinna ötult að því að skapa vettvang, þvert á pólitískar skoðanir og atvinnugreinar og bjóða upp á hagnýta fræðslu, styrkingu tengslanets og valdeflingu fyrir ungar konur á ólíkum sviðum samfélagsins.

Akademias er vettvangur fyrir menntun og þjálfun framtíðarinnar og þess vegna fannst UAK spennandi tækifæri að fara í samstarf með Akademias sem vinna með einstaklingum, fyrirtækjum og stofnunum til þess að efla þekkingu, hugvit og færni með það að markmiði að skapa verðmæti.

Námskeiðið Leiðtogi í eigin lífi er því hannað sérstaklega eftir þörfum félagskvenna UAK og nýtist þeim sem vilja taka forystu í eigin lífi eða á vinnumarkaði með það í huga að stuðla að aukinni persónulegri eða faglegri hæfni á fjölbreytttum sviðum.

Leiðbeinendur námskeiðsins eru 6 talsins og sérfræðingar sem hafa vakið athygli á sínu sviði:

• Ari Fenger
  Forstjóri 1912
• Edda Hermannsdóttir
  Markaðs- og samskiptastjóri Íslandsbanka
• Þóra Hrund Guðbrandsdóttir
  Framkvæmdastjóri Ímark
• Hlynur Atli Magnússon
  Meðeigandi og ráðgjafi í mannauðsmálum og ráðningum hjá Hagvangi
• Stefanía Hildur Ásmundsdóttir
  Ráðgjafi í mannauðsmálum og ráðningum hjá Hagvangi
• Ingi Björn Sigurðsson
  Stofnandi Brum Funding ehf.

UAK námskeiðið er rafrænn sprettur sem inniheldur 5 námskeið sem félagskonur geta sótt hvar og hvenær sem er til lok júlí. Að spretti loknum verður haldið skemmtilegt lokahóf fyrir þátttakendur áður en næsta starfsár UAK hefst í september!

Áfangar:
Inngangur – Lilja Gylfadóttir, stofnandi UAK

1. Stjórnendur og hæfni til framtíðar – Ari Fenger
2. Samskipti og tengslanet – Edda Hermannsdóttir
3. Markmiðasetning – Þóra Hrund Guðbrandsdóttir
4. Í leit að starfi – Hlynur Atli Magnússon og Stefanía Hildur Ásmundsdóttir
5. Frá hugmynd til framkvæmdar – Ingi Björn Sigurðsson

Lokaorð – Lísa Rán Arnórsdóttir, formaður UAK.

Hagnýtar upplýsingar