Stofnfundur UAK Alumni

In Fréttir by Aðalheiður Júlírós

UAK fagnar 10 árum í vor og af því tilefni var lagt á fót UAK Alumni sem er hópur fyrir fyrrum stjórnarmeðlimi félagsins. Fyrsti viðburður hópsins var haldinn 7. mars sl. í boði breska sendiherrans dr. Bryony Mathew sem er fyrst kvenna til að vera skipuð sendiherra Bretlands á Íslandi.

Sigríður Snævarr var heiðursgestur kvöldsins en hún er fyrrum sendiherra, fyrst íslenskra kvenna. Það var því viðeigandi að halda viðburðinn degi fyrir alþjóðlegan baráttudag kvenna þann 8. mars.

Molly Lewis, Bryony Mathew og Sigríður Snævarr

Við í núverandi stjórn félagsins stöndum á herðum þeirra sem fyrri voru en síðastliðinn áratug hafa yfir 40 konur komið að starfsemi og uppbyggingu félagsins. Við sjáum stórt tækifæri með UAK Alumni til að halda utan um reynslubanka félagsins og styrkja enn frekar tengslanet UAK kvenna.“ Segir María Kristín Guðjónsdóttir, sitjandi formaður UAK.

Kamilla Tryggvadóttir, Aðalheiður Júlírós Óskarsdóttir, Sóley Björg Jóhannsdóttir og Guðrún Valdís Jónsdóttir
Anna Berglind Jónsdóttir, Auður Albertsdóttir, Kristín Sverrisdóttir, Bryndís Rún Baldursdóttir og Ólöf Kristrún Pétursdóttir Blöndal
Guðbjörg Lára Másdóttir, Hanna Björt Kristjándsóttir og Kolfinna Tómasdóttir
Margrét Berg Sverrisdóttir og Dagný Engilbertsdóttir
Stjórnarkonur UAK í gegnum árin. Á myndina vantar hluta af hópnum.