Viðburður fer fram: 26/05/2026
Klukkan: 5:00 f.h. - 7:30 f.h.
Hvar: KPMG, Borgartún 27
Nú fer starfsári UAK að ljúka og því boðar stjórn til aðalfundar 26.maí nk. Fundurinn fer fram í húsakynnum KPMG, Borgartúni 27. Fundurinn hefst kl. 17:30 en húsið opnar kl. 17:00.
Fjórar stjórnarkonur munu ljúka stjórnarsetu sinni á aðalfundinum og óskum við því eftir framboðum í stjórn UAK 2026-2028. Einnig verða tveir varamenn kjörnir til eins árs. Allar þær félagskonur, 18 ára og eldri, sem skráðar hafa verið í félagið og greitt félagsgjöld a.m.k. 2 vikum fyrir aðalfund hafa rétt til að bjóða sig fram til stjórnar og hafa atkvæðisrétt.
Í framboðum til stjórnar skal sérstaklega kveða á um ef frambjóðandi býður sig einnig fram sem formaður félagsins. Formaður stjórnar þarf að hafa hlotið kosningu í stjórn félagsins til að verða kjörgeng í kjör formanns. Framboð þurfa að berast eigi síðar en kl. 23:59 laugardaginn 23. maí n.k. á umsokn@uak.is. Kosið verður í önnur embætti innan stjórnar á fyrsta stjórnarfundi nýs starfsárs.
Í framboðinu þarf eftirfarandi að koma fram:
- Fullt nafn
- Kennitala
- Titill (starf/nám/annað)
- Framboðstexti sem verður birtur á heimasíðu UAK að hámarki 150 orð
- Mynd af frambjóðanda
- Tekið skal fram ef frambjóðandi býður sig fram sem formann félagsins
Dagskrá aðalfundar er eftirfarandi:
- Kosning fundarstjóra og ritara
- Skýrsla stjórnar um starfsemi og rekstur á liðnu starfsári
- Ársreikningur kynntur fyrir liðið starfsár og borinn upp til samþykktar
- Lagabreytingar
- Kosning stjórnar
- Kosning formanns stjórnar
- Ákvörðun félagsgjalda
- Önnur mál
Á meðan á talningu atkvæða stendur munum við fá að heyra frá Evu Kristjánsdóttur sem leiðir þjónustu KPMG á sviði innri endurskoðunar og hlítingarráðgjöf.
Við minnum einnig á að ef þið komist ekki á aðalfundinn getið þið veitt umboðsmanni skriflegt umboð til að sækja aðalfund og fara með atkvæðisrétt fyrir ykkar hönd. Athugið að umboðsmaður þarf að vera skráður í félagið og hafa greitt félagsgjöld a.m.k 2 vikum fyrir aðalfund.
Allar félagskonur geta lagt fram tillögur til lagabreytinga og skal skilað eigi síðar en kl. 23:59 laugardaginn 23. maí n.k. á netfangið uak@uak.is.
Skráning á aðalfundinn er hafin. Það verður frábært að koma saman og fagna starfsárinu sem er að líða.
Hlökkum til að sjá ykkur!
Eva Kristjánsdóttir
Eva leiðir þjónustu félagsins á sviði innri endurskoðunar og hlítingarráðgjöf ásamt því að koma að áhætturáðgjöf. Hún hefur starfað á ráðgjafarsviði KPMG síðan 2015 og unnið að margvíslegum verkefnum tengdum innri- og ytri endurskoðun, upplýsingaöryggi, úttektum á hlítingu við lög og reglur ásamt ráðgjöf. Áður starfaði Eva á viðskiptaskrifstofu sendiráðs Bretlands á Íslandi við viðskipta- og fjárfestingaráðgjöf til breskra fyrirtækja. Á árunum 2008-2012 starfaði Eva hjá utanríkisráðuneytinu, lengst af á viðskiptaskrifstofu ráðuneytisins.
Skráning
Skráning er lokuð.